Lasterketen
analisia egiteko distantzia partzialetan korrikalariak daukaten posizio
partziala analizatzea informazio iturri
interesgarria izan daiteke.
Parametro hau
bereziki aplikagarria da txapelketa garrantzitsuetako kalifikazio lasterketei begira. Hau da, finalaren aurretik ematen
deiren lasterketak, non posizioaren arabera hurrengo lasterketa korritzeko edo
zuzenean eliminatuak izateko arriskua dugun. Beste era batera esanda,
lasterketa hauetan bukaerako sailkapeneko posizioa (Lehenengo, bigarren
hirugarren …), denbora baino garrantzitsuagoa da. Horregatik, lasterketa
hauetan taktikak garrantzi handia hartzen du, eta kokapenak.
800 metroko
lasterketen kasuan, final laurdeneko lasterketetan lehen hiru atletak
sailkatzen dira zuzenean semifinaletarako. Semifinaletan, soilik lehen bi
posizioetan sailkatzen diren atletak sailkatzen ziren zuzenean finalerako.
Gauzak horrela,
ikerketa batean 800 metroko lasterketan zehar, distantzia partzialetan
korrikalari bakoitzak zeraman posizioa neurtu zen. Hau da, 400 metro eta 600
metrotan bakoitzak zeukan posizioa. Hau 2012-ko Joko Olinpikoetako kalifikazio
lasterketa guztietan egin zen.
Ondorioa hau izan
zen: 400 metrotan eta 600 metrotan kalifikazio posiziotan pasatzen diren horiek
amaieran sailkatzeko aukera gehiago dituzte. Bestalde, azkeneko posiziotan
pasatzen direnek (7. Edo 8.), ez dute sailkatzeko batere aukerarik izaten. Hori
ondorengo taulan ikus daiteke.
Kalifikatzeko probabilitatea 400 eta 600 metroko posizio
partzialetan atletak daukan posizio partzialaren arabera.
|
Guzti honetatik,
atletentzako aplikazio praktiko eta aholku batzuk ondorioztatu zituzten
ikerlariek:
- Posizioaz gain, sailkatzeko probabilitate gehiago dituzte marka pertsonal hoberena daukaten atletek.
·
- Oso garrantzitsua da lasterketako 400 eta bereziki 600 metroko distantzian jadanik kalifikazio posizioa baten egotea (1., 2. Edo 3.), sailkatzeko probabilitate askoz gehiago izango ditugulako.
Guk ere gure
atletek kalifikazio lasterketa ezberdinetan distantzia partzialetan izan
zituzten posizioak batuko ditugu. Gero hauek sailkatu ziren edo ez ikusita,
aholku parktikoak egiteko erabiliko ditugu.
Bibliografia:
Renfree., a.;
Mytton, G.J.; Skorski, S. & Gibson, A: (2013). Tactical Considerations in the Middle Distance
Running Events at the 2012 Olympic Games. Human
kinetics.25(6)
Artikuluaren link-a:
No hay comentarios:
Publicar un comentario