ERRENDIMENDU ADIERAZLEAK: Urrats frekuentzia eta anplitudearen inguruan egindako ikerketak.

Bilaketa bibliografikoan atentzioa deitu diguten pare bat artikulu aurkitu ditugu, urratsaren neurketa lasterketen analisirako erabili dutenak. Erabiltzen diren paramatreak, lasterketan zehar korrikalariek eramaten duten urrats anplitude eta maiztasuna dira. Bi datu hauekin batera, korrikalarien erritmoa ere neurtzen zuten. Erritmoaz hitz-egitean, korrikalariak momentu bakoitzean daraman abiaduraz ari gara.

Tamalez, ikerketa biek soilik 400 metroko lasterketak aztertu zituzten. Nahiz eta gure probarekin bat etorri, ikerketa honetatik ateratako informazio asko erabilgarria suerta dakiguke.

Nola neurtzen zuten lasterkari batek eramaten duen maiztasun, anplitude eta abiadura? Bideo erabiliz egiten zuten. Lasterketa 50 metroko 8 frakziotan banatu, eta frakzio bakoitzean emandako pausu kopurua zenbatuta, partzial bakoitzeko maiztasun eta abiadura kalkulatzen zuten. 50 metro bakoitzeko denbora neurtuz partzial bakoitzeko erritmoa ere neurtzen zuten.

Datu hauetatik habiatuta ondorengo grafikoak atera zituzten, lasterketan zehar erritmoak, anplituak eta maiztasunak izan duen bilakaera adierazten duena.

1.        Irudia: Erritmoaren bilakaera lasterketan zehar.(Gajer et al., 2007)

2 Irudia: Anplitudearen bilakaera lasterketan zehat (Gajer et al., 2007)

3 Irudia: Maiztasunaren bilakaera lasterketan zehar. (Gajer et al., 2007)

Irudietan ikuesten denez, erregional mailako (berdez), nazio mailako (morez) eta maila internazionaleko (urdinez) atleten datuak alderatu ziren. Oso ondorio interesgarriak lortuz.

Datu haetatik habiatuta, balio handiko beste aldagai batzuk ere lortu ziren: Hala nola, lortutako abiadura maximoa, azken metroetako abiaduraren jeitsiera, frekuentzia, anplitude eta abiadura gorenak zein puntutan lortu diren …

4 irudia: Irudi honetan abiadura, maiztasun eta anplitude maximoak lasterketaren zein puntutan lortzen diren adierazten da, 100 eta 400 metroko probetan.

Datu guzti hauetatik oso ondorio interesgarriak lortu ziren. Batzuk aipatuko ditugu:

·        Elite mailako kirolariek azken metroetan abiadura beherakada nabarmenagoa pairatzen dute.

·         Elite mailako kirolariak besteengandik ezberdintzen dituzten parametro garrantzitsuenetako bat urrats anplitude handiagoa izatea da.

·         Abiadura maximo handiagoa da elite mailako lasterkariak ezberdintzen dituen beste aldagai bat.

·         Abiadura galera maiztasuna gutxitzeagatik, baina bereziki anplitudea laburtzeagatik ematen da atleta guztiengan.

Hau gutxi balitz, ikerketek lortutako datuetatik ondorio praktikoak ateratzen dituzte, eta entrenamendurako aholkuak eman:

·         400 metroko korrikalari honenek 200 metroko marka on bat entrenatzea beharrezkoa dute, abiadura maximo onargarri bat garatzeko.

·         Indar maximoa garrantzitsua da, urrats anplitude egoki bat garatzeko.

·         Psikologikoki prestatuak egon behar dira, estrategian gehiago arriskatzeko.

·         Pausuaren anplitude gutxitzeko, nekepean egiten den entrenamendu teknikoa beharrezkoa da.

Argi eta garbi, parametro hauek 800 metroko probarako erabilgarriak iruditzen zaizkigu, nahiz eta interpretazio ezberdina izango den. Gainera, aurreragoko sarrera batean ikusiko dugun bezala,  gure tresna propioak ere erabil ditzakegu maiztasun eta anplitudea neurtzeko (polar azelerometroa).