Barne logikaz hitzegin dugu aurreko sarrera batean. Orain, aldiz, gure probaren testuinguruaz mintzatuko gara. Bereziki suprajokoaz; hau da, nola antolatzen da urtean zehar, denboraldian zehar, proba honen lehia?
Lehenik esan behar da, 800 metroko proba atletismo barruan kokatzen den modalitate bat denez, bete proba guztiekin batera antzerako egutegian antolatzen dela.
Kontuan hartu behar den lehenengo parametroa, gure begitara ondorengoa da: lasterketan parte hartzen dutenek posizio bat (sailkapen bat) lortu nahian lehiatzen dira, edo marka edo denbora minimo bat lortzeagatik? Batetik bestera lasterketaren izarea asko aldatu daiteke.
- Marka minimoa lortzera bideratua dauden lasteketak (errekorra egiteko, norbere marka hobetzeko, txapelketa baterako marka minimoa lortzeko ...) azkarragoak izan ohi dira, eta taktitoki ezberdinak. Batzuetan erbien erabilera ere egon daiteke: lasterketa erritmoa azkarragoa izan dadin taldetik azkar tiratzen duten korrikalariak. Ondorengo bideoa mota horretako lasterketa baten adibide garbia da, non David Rudisha keniarrak munduko errekorra ondu zuen.
- Posizioak garrantzia duen lasterketetan (domina bat lortzeko, postukako sailkapena iarabazteko...) kokapenak garrantzi handiagoa hartzen du, lasterketa motelagoa izan ohi da, eta azken metroetan erabaki ohi da lasterketa. Adibide bezala ondorengo bideoa. Lasterketa taktikoa da, non soilik lehen bi posiziotan amaitzen dutenek lortzen duten sailkapena. Horregatik, denbora hona egitea bigarren plano batean geratzen da.
Gero ikusiko dugun bezala, lasterketaren ezaugarrien arabera, aldagai batek edo bestea izango da garrantzitsuagoa, analizatzen ari garen lasterketa motaren arabera (posiziozkoa edo markakoa dituko ditugu hemendik aurrera).
Lasterketaren helburuaz gain, urtean zehar bi denboraldi ezberdin bereizten direla aipatu behar dugu:
- Neguko denboraldia: Pista estalian egiten dena, 200 metroko pistan. Neguan hasi eta otsailaren amaieraraino irauten du gutxi gora behera.
- Udako denboraldia: Pista irekian egiten da, 400 metrokoa. Bietatik garrantzitsuena eta udaberritik uda amaierararte irauten du.
Hortaz gain, urtean zehar ematen diren txapelketa garrantzitsuenak aipatuko ditugu. Kontuan hartu badirela txapelketa batzuk urtero urtero ematen direnak, eta beste batzuk ordea bi edo lau urtean behin:
- Urteroko txapelketak: Maila internazionalean "dimaond league" eta "IAAF world challenge" bezalako txapelketak daude, zeintzuk urtean zehar ospatzen diren meeting ezberdinez osatuak dauden. Hortaz gain, txapelketa nazionalak daude, urtero urtero estatu guztietan osaptzen direnak. Guzti hauei batu behar zaizkie sari nagusiak, meeting garrantzitsuak, eta liga nazionalak.
- Aldizkako txapelketak: Munduko txapelketak (bai pista estali, bai pista irekikoak) bi urtean behin ospatzen dira. Baita europako txapelketak ere. Txapelketa famatuena, olimpir jokoen baitan ematen dena, lau urtean behin ospatzen da. Azkenik, badaude lau urtean ospatzen diren beste txapelketa garrantzitsu batzuk ere, Mediterranear jokoak adibidez. Ondorengo taulan azken lau urtean ospatu diren txapelketak zerrendatu ditugu, nola antolatzen diren hobeto ulertzeko. Bide batez, txapelketa bakoitzera sailkatzeko beharrezkoak diren gutxieneko markak ("minima" bezala ezagutuak) batu ditugu, gizonezko eta emakumezkoentzat
Gure lanean maila altuko lasterketa ugari aztertuko ditugu, txapelketa hauen baitan ematen direnak. Informazio gehiago nahi duenarentzat, ondorengo web horrialdeetan egutegi eta txapelketa ezberdinei buruzko datuak daude:
http://www.gafatletismo.com/antcatalogo.asp?nombre=4720&nodo=&hoja=0&sesion=1
http://www.diamondleague.com/Event-Calendar/
No hay comentarios:
Publicar un comentario